十七位候選佳麗身穿三點式泳衣鬥靚鬥身材，但來自印尼的(14)貝安琪．比亞齊斯的泳衣Top明顯較細，令胸形「走樣」勁似「紮糉」，稍欠美感，她解釋：「件泳衣細咗啲啲，初頭仲以為啱身，但嚟咗香港之後食咗好多嘢肥咗，加上墊咗Pad，感覺上好似好緊。（墊幾多個？）一個咋！（點解唔換泳衣？）因為大會冇另一套畀我揀！（唔墊Pad咪得囉？）跟服裝指導需要。」雖然美感效果欠奉，但她仍死撐：「我覺得好舒服，唔會覺得唔自然。」
貝安琪穿着加細碼泳衣，搞到胸形硬崩崩。
