(11)權蕙洙Big出自信藐爆(3)萬嘉麗

17位候選亞姐昨日身穿噴血三點式泳衣拍外景，有「韓版Jessica C.」之稱的(11)權蕙洙自恃「胸」惡，完全不放被傳內定冠軍、港澳特區代表(3)萬嘉麗在眼內，還自訂三甲豪語攞硬冠軍，語出驚人！

應屆亞姐候選佳麗昨日身穿三點式，於惠州一間溫泉酒店拍攝外景，吸引不少中港傳媒採訪，酒店人員亦紛紛舉機拍照。由於早已有兩名佳麗退選，加上天津佳麗(16)何婭萌家有要事缺席，故只得17位佳麗亮相。除了比併美貌外，佳麗還騷Quali鬥身材，各有「體」頭！

日前有消息指萬嘉麗、泰國佳麗(9)邱淑芬及何婭萌是今屆亞姐內定三甲，但來自韓國、英文名「Jessica」的權蕙洙身材高大，加上豐滿身材，雖然已年屆27歲冠絕全場，但仍被稱為「韓版Jessica C.」，火速成為「峰」頭躉！問到惹火身材是否遺傳？權蕙洙說：「多謝父母。（滿意身材？）對自己樣貌同身材好滿意」問到是否有信心摘冠，她自信地說：「Of Course！（內定萬嘉麗係冠軍？）唔知！冇聽過亦唔理，只係做好自己。」雖然年紀稍為輸蝕，但她直言未驚過：「知自己年紀大，但身材同樣貌都唔輸蝕，我好努力做運動Keep Fit。（同萬嘉麗相差九年喎！）係好大距離，但我反而多咗九年嘅人生經驗。」談到心目中的三甲，權蕙洙大口氣說：「揀自己做冠軍，亞軍就揀泰國佳麗，至於大家話萬嘉麗係內定冠軍，咁我揀佢做季軍！」

泰國佳麗秀髮遮「爛面」

至於年僅18歲的萬嘉麗對於被指是內定冠軍，她謹慎地說：「冇聽過！邊個講？（信心大增？）唔會，因為比賽結果要嗰晚先知道，唔相信呢啲小道消息，努力做好自己，但我都有信心入三甲。（邊個係對手？）唔知道，每個佳麗都好好，要睇臨場表現。」

被指「爛面」的泰國佳麗邱淑芬，昨日繼續以秀髮遮掩面頰，雖然爆瘡情況稍有改善，但面上仍有粒粒，她說：「我喺泰國服食暗瘡藥搞到敏感，相信會影響觀感，但喺香港睇咗醫生，希望唔會太多影響。（喊？）我冇因為咁樣而喊，因為冇人係完美嘅。」