Cheryl公報私仇鬧爆參賽者

《X Factor》評判Cheryl Cole被參賽者Wagner嘲諷是「死好命嘅公屋妹」後，前日在節目發火批評對方，自言為出身感到驕傲！

早前《X Factor》巴西籍參賽者Wagner受訪時，嘲諷女歌手兼評判Cheryl只是個住公屋的女孩，有人給她在娛樂圈工作實在是走運！前日Wagner在節目表演後，輪到Cheryl給予評語時，她沒有談及其表演，反而是趁機發火大罵：「我對你冇建設性嘅評語，但我聽到你早前向傳媒講我嚟自公屋，我的確係，而且我為我嘅出身感到自豪，亦覺得自己好幸運！」說時她眼有淚光，心情激動，主腦Simon Cowell見狀，不禁「嘩」了一聲！

Wagner補鑊捧做公主

被鬧到措手不及的Wagner即連忙說：「唔好信傳媒！」待其他評判給予評語後，他再補鑊：「當時我唔知嗰啲人係記者，佢問我覺得Cheryl點，我就話Cheryl係年輕人嘅榜樣，你非常有才華同靚，又好似公主咁有儀態，你依家係英國最受人愛戴嘅女人。」不過，他的表現被Simon狠批，恐怕很快會被叮走！

另外，由於全部參賽者當日翻唱披頭四名曲，保羅麥卡尼特別錄影一段短片，在節目開始時播放，為他們打氣。