軒仔寸Kenny算死草抽回佣

軒仔寸Kenny算死草抽回佣

張敬軒趁政府出招壓抑炒樓風,欲執平樓做業主,但直言兩位緋聞密友關智斌(Kenny)和王菀之非「同居」好伴侶,又踢爆Kenny「算死草」。

張敬軒、謝安琪(Kay)、林憶蓮、「軟硬」林海峰及葛民輝等前晚出席《麥當勞愛心童樂日2010音樂會》,吸引梁靖琪與男友捧場。席間,軒仔直言打算在天后的半山區置業:「所以呢排手頭緊!(叫Kenny或者王菀之夾份?)唔得囉!我個人好奄尖,屙尿唔可以整濕廁邊!(有兩個廁所咪得囉!)咁考慮吓!」他又踢爆Kenny「發錢寒」:「一個仙都呃佢唔到,有次佢畀隻股票我買,賺咗幾萬蚊,佢竟然問我攞番回佣!」對於Kenny為剃頭拍戲感煩惱,軒仔笑言對方剃頭後會更靚仔兼聚財:「十個光頭九個富!佢最好影相留念,仲係唔着衫嗰隻!」

Kay讚志雲最佳員工

至於穿上morphine generation By Fasherati服裝的Kay表示,未聽聞剛復職的陳志雲鋪路辭職一事:「佢去到邊度做都係公司嘅福氣,能幹、做嘢又落力同上心!係一位好有魅力嘅員工!」對於老公張繼聰再度亮相《勁歌金曲》,Kay舉腳叫好,但隨即澄清純屬巧合。

音樂組

軒仔在勁舞的女Dancer旁獻唱,難怪分外激動。

關智斌

憶蓮大唱經典金曲,歌迷聽出耳油。

「軟硬」與麥當勞叔叔鬥Rap,場面搞笑。