敖嘉年撐公司冇大細超
麥長青與敖嘉年昨日錄影《荃加福祿壽玩轉台慶》，對於華哥怒插無綫「大細超」，「排骨仔」敖嘉年說：「我諗公司唔係刻意！我每晚都有錄起《刑警》嚟睇，個劇好好，尤其欣賞胡定欣！」至於「非凡哥」麥長青則說：「我諗華哥講笑啫！《刑警》收視好好，我都有睇！冇所謂啦，都係一個宣傳！」至於早前在亞視節目巡禮上炮轟無綫的盧海鵬，直言華哥發火唔出奇：「佢以前都咁火爆o架啦！嗰時佢鬧無綫制度唔好而走嘅，我都係因為無綫改合約制度，唔啱先走，同黃日華一樣咁無癮！」
敖嘉年（右起）、唐詩詠及羅仲謙齊齊錄影放笑彈。