台慶監製拒道歉 何麗全搵專人調停

台慶監製拒道歉 何麗全搵專人調停

製作部非戲劇製作總監何麗全昨日出席活動時,解釋因華哥及三哥未能度期排練,故沒有獲邀出席台慶,但必定會邀請他們出席頒獎禮:「冇理由齋露面冇表演!唯一唔使綵排嘅係趣劇,但係曾志偉都唔敢玩佢哋啦!(《刑》劇被忽視?)會再了解!但台慶劇點會唔夠宣傳?」對於華哥昨晚再度發炮,他透過電話回應:「監製都想星光熠熠,唔會話捧邊個,打壓邊個!(向佢道歉?)聽日(即今日)會開會傾吓點處理,會搵專人同佢傾,唔想有誤會!」至於台慶監製衞世輝則拒絕道歉:「佢有咩唔滿意應該返公司講,唔係同傳媒講!」

此外,《刑》劇監製唐基明則力撐華哥只是講出心聲,並非為宣傳:「咁係有啲唔公平,但衞世輝都係被動!(華哥唔去頒獎禮!)佢地位超然,唔重視獎項,不過個遊戲一齊玩會開心啲!(佢唔想做棋被利用?)呢個世界個個都係隻棋!」

何麗全(右起)昨日與阮兆祥、王祖藍及李思捷出席慈善活動。