Carol谷胸唧出鬼祟肉

有「浸大E神」之稱的楊梓瑤（Carol）昨日與女子組合OctoBeez及楊愛瑾出席活動，雖然Carol穿低胸裝上陣，但竟被OctoBeez的Rika以Bra Top搶鏡！

楊梓瑤、OctoBeez三名成員Rika、Hidy、Hazel及楊愛瑾（Miki）昨日出席《PS Move一機成名招募日》活動，她們除在台上鬥跳經典舞外，Rika、Hidy及Hazel更在台上勁歌熱舞，Rika又唱又跳露出Bra Top，成為全場焦點。雖然Carol明顯失色，但她亦不輸蝕，穿上一件衣不稱身的閃片吊帶短裙現身，由於上圍太大，逼出左邊腋下的鬼祟肉，她表示有黐膠紙防走光：「係大會叫我着呢類型衫，件衫係自己揀，係有唔啱Size！」問到Rika為何是成員中最性感一位？她說：「唔係自己揀，件衫係平日制服，Suki幫我哋揀！我知道要跳舞，梗係有黐膠紙！」

Miki撐陳豪奪視帝

至於Miki則透露好開心第一年參加台慶便有幸上台抽大獎，因為未能中獎而感到可惜，並指今年台慶第二個可惜是未能與偶像陳豪合照，更力撐偶像能奪視帝。她說：「如果有機會同佢拍劇都好！（拍劇做情侶好唔好？）如果有機會梗係好啦！（問埋佢電話傾偈好唔好？）佢唔介意都冇所謂。」