唔介意月曆放廁所 DaDa：最緊要買
有「百果園咪神」之稱的陳靜（DaDa）、高海寧、馬賽與歌手歐陽靖（MC Jin）等，昨日在石澳海灘出席慈善活動，雖然DaDa穿上大會T恤未能在海灘展露驕人身材，但仍很有心思地把衫「D.I.Y.」，露出部分纖腰，問到是否很少在沙灘上穿得密實？DaDa說：「近年嚟沙灘都係做嘢，所以好性感，以前就會密實啲，唔會只着比堅尼，出面一定加件衫。（怕畀人望？）係呀！仲未好慣畀人望，又怕畀人望到有肥肉！」對於日前在訪問中大膽表示喜歡自己的「八字胸」，她說：「我唔介意，呢啲與生俱來，唔可以同大自然對抗嘛！」
另外，DaDa透露首次擔大旗的月曆快將推出，心情緊張而且擔心銷量：「希望可以賣到4、5千本，對公司有交代。」對於日前被暗寸月曆適合擺放廁所？她說：「大家鍾意擺喺廳、房、廁所同廚房都冇問題，最緊要買，擺邊我都咁開心。
DaDa首次擔大旗的月曆快將推出，令她心情很緊張。
DaDa不介意大家將她的月曆放在廳房或廁所。
DaDa（左四）昨日與眾o靚模出席慈善活動。