霆鋒失獎獲Fans力撐 陳德森曾國祥冇失望
謝霆鋒未能憑《十月圍城》奪獎而缺席慶功，不過《十》片導演陳德森卻有出席，對於電影獲9項提名只得一項「最佳造型設計」獎，他說：「9項提名已有交代，攞獎好難講，唔係想要就畀你。（霆鋒心情緊張？）同我一樣冇特別，隨緣，雖然得一個獎，但咁多朋友好開心。（安慰曾國祥？）我哋一齊有提名都冇獎，電影為觀眾及工作，點可以兩全其美。」
至於曾國祥落敗「最佳新導演」，他表示沒有失望：「有提名已開心，但最想喺父親手上攞獎。（你父親同姐姐喺台上惡搞你？）預咗，父親後來都有安慰我！」
另外，今屆金馬獎成為網友談論焦點，霆鋒Fans即在助手表哥的微博力撐偶像：「霆鋒永遠是最棒的，男配算甚麼？以後收穫所有男主角。」有網友更於討論區質疑小天為何封帝：「阮經天攞影帝？夾硬嚟！王學圻冇可能輸畀佢！」
陳德森（右）攬着曾國祥出席《十月圍城》慶功宴。
霆鋒雖然失落男配角獎，但仍獲Fans力撐表現出色。