小方「瞞婚」被詐型
方力申昨日出席《愛心相連大行動》時，甫見梁漢文即賣口乖：「好開心同金牌一哥合作，身價即刻提升。」梁漢文即哈哈笑，並追問小方有否諗過今年結婚，小方說：「冇，但報道多咗有人信，尋晚去飲，朋友都話做乜結咗婚唔出聲。」對於被傳約滿後帶鄧麗欣離巢，小方說：「冇諗過離開，即刻同公司解釋，雪我就弊！」
至於鄧麗欣出席新城記者會時，否認在小方寓所對面睇樓，並自爆在小方介紹下已遷往該區逾年。對於被指學「陳蔡戀」公開戀情，她說：「唔關事，感情唔刻意講，亦唔想講咁白。（小方係好男友？）佢係好男仔。（滿分？）唔使咁多，畀空間佢，目前相處好。」
戀情浮面的鄧麗欣，跳舞時格外風騷。
被小方（左）稱為「一哥」，梁漢文即四萬咁口。