祖兒火辣騷阿詩心郁參與
日前抽空欣賞容祖兒演唱會的何韻詩，大讚對方的表現令她又驚又喜：「睇到心驚膽戰，好多高難度動作，冇安全帶又升到咁高，真係好驚！（火辣場面令你有醋意？）冇，幾想交換位置！（同班Dancers交換？）黐線！我想做個台呀！」她表示一直見證祖兒成長，故聽到慢版《越唱越強》時感動到想喊。
至於泳兒昨晚才到紅館捧場，對於祖兒被形容為「零波」，她說：「佢操到好Fit，有冇（胸）都可以好有睇頭！」對於新城頒獎禮由Boxing Day押後至29日舉行，她表示可趁聖誕檔搏命搵銀，希望農曆新年歐遊過肥年。
看見祖兒在個唱中的高難度動作，阿詩坦言心驚驚。