新城杯葛投票轟港台蠱惑

新城杯葛投票轟港台蠱惑

樂壇頒獎禮由以往爭獎爭崩頭,延伸至今年四台互鬥!「四台聯頒」今年宣布停辦,但港台卻重設「傳媒大獎」,被新城高層朱明銳狂轟蠱惑及欠代表性。見慣世面的古巨基以和為貴,望頒獎禮「少啲風雨」!

古巨基、何韻詩、謝安琪、G.E.M.與關楚耀等逾30位歌手,昨日出席《新城勁爆頒獎禮》記者會,新城知訊台台長朱明銳表示,頒獎禮日期由往年的Boxing Day(12月26日)改為12月29日,而獎項數目則由去年132個減至120個,昨日更率先頒發其中19個。

港台早前提出停辦「四台聯頒音樂大獎」,觸發英皇及東亞聯手發聲明,宣布永遠「罷賽」,但港台日前舉行《十大中文金曲》記者會時,又宣布重設「傳媒大獎」,對此,朱明銳昨日連珠炮發:「蠱蠱惑惑!無啦啦搞個傳媒大獎,又唔係四台傳媒去評選,代表性有冇問題?你哋自己諗!(邀請你投票?)一定拒絕,唔使邀請,唔係你話玩咩就玩咩!突然唔玩四台聯頒,又要我哋投票支持佢,根本係為咗滿足港台自己開心,咁幫到樂壇啲乜?真係睇唔到!」

「做嘢唔光明磊落」

有傳港台頒獎禮將於明年1月7日舉行,又有傳會分開兩天舉行,朱明銳說:「咁做嘢唔光明磊落囉!好奇怪,到今日仲未知日期同地點,好混亂,連廣播處長都換,根本『無政狀態』!佢哋做得唔夠全面,香港冇一個純音樂電台,係香港政府失敗!(東亞同英皇唔參與四台聯頒,明年再傾過?)根本冇得搞,新城向來唔支持四台聯頒,呢個只係滿足港台欲望。」

對於朱明銳的指摘,《中文金曲》總監馮偉棠說:「我冇嘢講,呢啲嘢(參與傳媒大獎)冇得勉強。(話港台蠱惑?)冇嘢回應,我哋係想鼓勵歌手同創作人。」而商台方面則說:「未收到任何通知及邀請,不作回應。」無綫高層何麗全則表示今日才回應。

基仔望風雨減少

基仔昨日在新城記者會上先拔頭籌,憑《時代》勇奪「播放指數大獎(歌曲)」,他搞爛Gag說:「我最唔想攞嘅獎就係『拐杖』!」談及頒獎禮風波,他有感而發說:「期望少啲風雨,以往係獎項上鬥爭,今年係傳媒之間鬥爭,歌手只能做好自己。(出席四個頒獎禮?)未知,因為日期仲好浮動。」有傳英皇不出席《叱咤頒獎禮》,基仔愕然說:「吓!冇聽過,正如喺微博睇到一句說話,娛樂圈所有嘢都係浮雲。」對於朱明銳炮轟港台,他只說:「我唔識評論。」同場的謝安琪則表示,渴望獲追頒新人獎:「當年我喺新人獎落空,希望可以追頒番。」

第一手消息請瀏覽on.cc 東方互動《即時新聞》

專案組

古巨基與謝安琪昨日搶閘捧獎,為頒獎禮揭開序幕。

合作出擊的陳奐仁(左)及MC Jin,拿着獎座搞搞震!

謝安琪與老公張繼聰難得公開「合體」。