古仔GiGi放長線未受影響
圈中明星喜歡置業作長線投資或自住，但近年樓市熾熱，令人大嘆樓價誇張高昂！政府前日出招打擊樓市短炒風氣，古天樂、梁詠琪及梁靖琪紛紛表態。
政府前日出招打擊炒樓潮，古天樂、琦琦、梁詠琪（GiGi）和梁靖琪（Toby）亦表贊同。剛從北京返港的古仔，昨日出席上水廣場舉行的活動時，認同措施有助打擊短炒買家︰「政府措施好辣，對自住市民冇影響，但會令銀行按揭下降五成！」他慨嘆現時樓價高企，故近年投資較謹慎，但認為措施對他影響不大︰「我係長線投資，好少炒賣！」而腳傷未愈的他擔心再受傷︰「呢段時間隻腳好危險，有機會再斷！最近忙於拍《最強囍事》，其中一幕要孭女演員，但導演唔記得我有腳傷，好辛苦。」
Toby睇中心水盤築愛巢
另外，對投資甚有心得的GiGi說︰「措施對炒家有阻嚇作用，又幫到夾心階層置業！」而Toby表示措施對剛入市炒樓的年輕人很危險，她透露早前睇中心水樓盤築愛巢︰「業主唔肯賣，我冇理由幫人供樓！」琦琦則認為能紓緩過熱樓市。
只作長線投資的古仔表示，措施對他沒有影響。
投資甚有心得的GiGi，指措施能打擊炒家。
松岡李那（右起）、新鴻基地產代理有限公司租務部總經理鍾秀蓮及古仔齊齊主持聖誕活動開幕。
Toby睇中心水盤築愛巢，但因業主不肯賣而擱置計劃。