莫文蔚做強人唔結婚
莫文蔚（Karen）昨日出席童裝活動被催婚，不過Karen坦言暫無意拍拖及結婚做媽媽，反而享受工作當女強人。昨日Karen、名模琦琦及范姜等一同出席Gucci全新童裝系列兒童派對活動，問到感情生活？她說：「除咗工作冇感情，因為我成日要周圍飛，連瞓覺時間都冇，（有冇追求者？）有都冇辦法，（唔Dry咩？）唔會，我對工作好有衝勁，做到攰先休息，（屋企人有冇催婚？）冇喎，催我食多啲瞓多啲就有。」Karen又表示無意當媽媽：「生BB係一世，小朋友係要心機栽培，而且媽咪講明唔會同我湊。」
