基仔與陳總公私分明
古巨基昨日出席迎聖誕活動時，慘遭主持追問婚期，令基仔目瞪口呆：「唔係尷尬！係冇諗過聖誕可以講到去結婚！我仲細未諗，但我忽發奇想聖誕結婚都幾浪漫！（個個歌手搵銀冇人嚟飲？）咁我咪可以淨袋禮金，連酒席都慳番！」對於有指港台獨立重頒「傳媒大獎」，他說：「冇特別了解，順其自然！」他又透露沒有與陳志雲傾談工作事宜，但力撐對方樂天。至於關楚耀亦表示陳志雲復工有利處理無綫與「四大」的糾紛，明年接拍亞視劇集的他，被問到若四大糾紛解決會否有牴觸？他說：「冇諗！有機會拍劇要好好把握，相信陳生有計！」
基仔在模特兒面上畫上2字及心心，並笑言是《義海豪情》，認真識做！