孖必食消夜「藍男」堅持同「車」
最近公開戀情的「藍男」，前晚完成台慶後偕曾志偉、陳百祥、樂易玲及商天娥等到長沙灣消夜，祖藍更任柴可夫載女友李亞男離開電視城。泊車後，「藍男」會合娥姐，並一人一邊翹實她入內。約半小時後，祖藍再步出迎接樂易玲。及至凌晨二時，志偉先行步出，並會出大疊「金牛」找數，未幾祖藍即手持外賣離開，而尾隨的李亞男則全程搭着樂易玲膊頭，邊行邊傾，期間樂易玲問祖藍：「使唔使我車（李亞男）？」祖藍即Man爆地說：「我車！」其後駕車先送女友返回將軍澳寓所，再驅車返回其西貢寓所。
此外，對於在台慶中遭志偉反串模仿，樂易玲表示事前已知道：「我冇嬲！知佢實會着黑色衫，我叫佢最緊要靚同記得剃毛，我假假哋都係一個靚女！」
祖藍婉拒樂易玲好意，堅持做柴可夫接送女友。
「藍男」翹實娥姐進場，莫非在預演婚禮？
李亞男（左）搭實高層樂易玲膊頭兼密斟。
志偉反串扮樂易玲，造型爆笑！