陳法拉昨日與梁政珏出席活動，甫出場即被包圍追訪其Neway太子爺男友薛世恒早在18歲已於澳洲與女同學結婚一事，法拉淡定力撐男友：「呢件事我一早都知！（做咗第三者？）唔係呢樣嘢，其實係好私隱嘅事，我明白每個人都有過去有歷史，已經係十幾年前嘅事！（問佢點解咁早結婚？仲有照顧前妻？）咁私人嘅嘢我唔逐一回應。」
結婚睇天時地利人和
她坦言欣賞男友坦白，並認為兩個人一起必須坦白、互相包容及承擔，問到會否介意男友已婚？法拉表示因早知此事，故不介意。而她與男友於08年傳已婚一事又被重提，法拉笑說：「過時過節、台慶或者我有劇集出就有呢啲是非！（係現任妻子？）唔係！總之佢係好人！（快啲結婚？）承你貴言，都要睇天時地利人和。」
而梁政珏谷胸晒事業線「胸」贏法拉，她說：「唔好咁講，件衫係大會安排，經理人都睇過！（唔吝嗇身材？）最緊要健康，我性感都有底線，我做過泳衣騷，但唔會接內衣騷！（性感收貴啲？）要問經理人！」
陳法拉坦言結婚要配合天時地利人和，但希望盡快向外公布喜訊。
陳法拉自爆早知男友結婚一事，並力撐男友夠坦白。資料圖片
梁政珏力谷事業線，「峰」頭一時無兩。