四大歌手有望重返無綫
無綫和四大唱片因版稅問題決裂逾1年，四大歌手從此絕迹無綫，據知陳志雲一直致力修補雙方關係，停職期間曾與四大高層飯局。隨着志雲復職，相信四大歌手重返無綫亦有望！本報記者致電志雲愛將兼環球歌手謝安琪，她說：「替陳生高興，希望佢事業順利！（四大同無綫有機會修好？）從來唔會諗呢件事，係兩間公司嘅商業決策，唔關歌手事。（你係志雲派？）報道講啫！自己平常心面對。」同是環球歌手的陳慧琳亦戥志雲復職開心：「希望佢工作順利！四大同無綫快啲冇事，大家一團和氣。」
此外，SONY MUSIC歌手陳柏宇說：「恭喜晒佢！希望佢可以一直做落去，聽到呢個消息好戥佢開心！我知道佢之前都係負責同四大唱片公司傾版稅嘅嘢，所以佢依家復職又可以繼續傾，希望令件事有好嘅開始！」至於四大唱片方面，環球和華納發言人均表示沒有回應，而SONY MUSIC則恭喜志雲復職。
謝安琪與丈夫張繼聰戥志雲復職感高興。