陳總揸旗 祥仔雯女勢冧莊

台慶頒獎禮將於下月五日舉行，正當視帝視后爭得頭崩額裂之際，陳志雲突然復工，令今年視帝視后之爭再起風雲，去年有傳黎耀祥與鄧萃雯獲陳志雲力撐封帝后，如今志雲復職，令兩人「冧莊」之聲更高唱入雲！

今年無綫視帝視后之爭激烈，視帝大熱有《巾幗梟雄之義海豪情》的黎耀祥及《公主嫁到》的陳豪，視后則是鄧萃雯與佘詩曼之爭！正當爭得頭崩額裂之際，於無綫位高權重的陳志雲昨回歸無綫，令下月五日舉行的台慶頒獎禮再起風雲。曾有傳去年非無綫親生仔女的黎耀祥與鄧萃雯能順利奪獎，全因陳志雲力撐，如今志雲回歸，令黎、鄧冧莊的機會大大提高！

而一班候選視帝視后對於添變數一事，就不多作回應，但對陳志雲回歸都大表高興，黎耀祥說：「希望佢工作順利、開心，繼續帶領大家。（依家係咪適合時間？）唔識答，公司安排得，應該冇問題，老闆考慮到。（志雲回歸，你攞視帝嘅信心大了？）唔知，未必有影響，每年評審啲人都唔同，唔知道，呢啲都要睇觀眾，佢哋支持最重要。」

阿佘建議取消頒獎禮

昨日有內地消息指佘詩曼指跟鄧萃雯爭視后壓力大，希望取消無綫頒獎禮，對此佘詩曼說：「我唔係叫取消無綫頒獎禮，我話頒獎禮令大家都好大壓力，最好唔好搞。（視后有冇勝算？）順其自然！」

林峯送祝福

對於佘詩曼的「壓力論」，在內地拍攝《新還珠格格》的鄧萃雯說：「我反而唔係咁睇，我對壓力習以為常，換另一角度睇，到頒獎禮香港人個個都特別關心娛聞，對於電視行業有好作用。（志雲回歸視帝視后添變數？）唔係我要諗嘅事，我冇派系，演員係被動，邊個監製用我，我都係樂意接受。」雯女還笑說：「其實視帝黎耀祥、陳豪同林峯都唔好爭，畀我算啦，好多人都話鄭九妹（《巾》劇角色）好Man，三個男人唔爭視帝畀我，視后頒畀佘詩曼咪皆大歡喜！」

林峯就志雲復工一事說：「好開心，一啲都唔意外，之前都話佢會好快復工，祝福佢，之前唔開心嘅事一掃而空。（視帝視后添變數？）冇諗咁多，我台慶返唔返到都唔知。」