麥長青（麥包）：開心，不嬲陳生嘅工作表現大家有目共睹，對公司嚟講都好，之前嘅司法程序都一定要經過，依家復職係一件好事，我好鍾意睇佢做節目，佢幾感性。
呂慧儀：替佢開心，返嚟公司梗係好啦！我一入無綫佢已經喺度。（佢仲有案件在身，係咪不適當復職？）法庭都未判，我唔係公司高層，唔清楚。（佢暫時唔管藝人？）以佢嘅才華唔只管藝人，佢係總經理，有其他嘅工作，冇所謂啦！
陳法拉：係開心事，（歡迎佢返嚟？）唔到我話事，我冇分量去講，（官司在身唔適合復工？）唔方便評論，我太唔清楚件事，（佢唔可以處理有關藝員嘅事，）慢慢嚟啦！佢職位咁高，覆蓋嘅工作範圍好多，有冇都冇關係。
梁政珏：開工途中知道消息，（有官司在身唔適合復工？）我唔清楚件事嘅來龍去脈，唔方便評論，好多嘢都係睇報道至知。
馬德鐘：恭喜佢。（有官司喺身唔適合復工？）公司有自己立場，其實以前陳志雲處理得好好，所以依家返嚟咪好，絕對對佢有信心。
唐詩詠：佢復職都係一個好消息，期待喺工作上再合作。我全日都忙開工，未有時間SMS佢，遲啲再傾，唔會諗咁長遠嘅嘢。
楊怡：我都係睇新聞知道，恭喜佢，我認識嘅陳志雲為人好好，好有禮貌，談吐大方。
麥長青
呂慧儀