錢國偉寧進無意回巢
對於陳志雲復職，同樣捲入涉貪案的錢國偉與寧進大表高興，寧進說：「好開心。（幾時知？）啱啱先知，我都有傳短訊畀佢（陳志雲），叫佢請食飯，佢話當然啦！（會唔會返去？）順其自然啦！我依家搞生意都唔急住做其他嘢，有緣再算，唔會太強求。」
同樣已離開無綫的錢國偉說：「恭喜佢，梗係開心，之前都有傳短訊聯絡，今日都有傳。（佢返去，你返無綫嘅機會係咪大啲？）暫時唔會，自己接嘅工作去到出年三、四月，之後仲要搞幾個演唱會，包括《福祿壽》嗰個，做完先算啦！（陳志雲叫你返去？）點會咁快，今日佢先返工。」