慶祝飯局只限摯親 王喜古巨基都有份
陳志雲官司纏身時對他不離不棄的王喜，昨日坦言對志雲復職很開心：「復工證明TVB『用人勿疑，疑人勿用』，希望以後都可以咁，暫時冇慶祝，等佢收工睇吓有咩打算，我隨時Standby。（會唔會食飯？）前晚同佢食咗。（返電視城陪佢？）陳生復咗職，佢係總經理，我只係演員，河水不犯井水；如果工作以外，我哋係識咗十幾年嘅朋友關係，唔會避。（之前話賣樓畀佢打官司，依家應該唔使？）最緊要都係陳生。」而古巨基則說：「好戥佢開心，會直接打電話畀佢。」
事先張揚出席台慶
志雲首日復工，好友羅寶文晚上特別設宴慶祝，據悉出席者都是志雲摯親好友，當中包括古巨基及王喜等，陳志雲則於晚上9點15分出現，被問到是否慶祝？志雲說：「食飯啫！多謝大家！（去台慶？）會！（鬆口氣？）我今日交代咗喇！（嚟緊有咩工作？）工作嘅嘢第日先同大家分享。」問到公司會否再讓他從事幕前工作，志雲笑而不答，並不時禮貌地着爭相採訪的記者小心點。
志雲換上一身輕便裝束赴飯局，心情靚爆！
羅寶文昨午出席活動，晚上則為志雲安排飯局。