憑劇集《搜下留情》中「鵪鶉妹」一角上位的黃智雯（Mandy），自小在九龍城區長大，但原來灣仔亦是她另一個家，入讀演藝學院前已經常在該區出沒，她說：「因為屋企人喺九龍城同灣仔都有樓，媽咪仲喺灣仔開咗間專賣香薰同護膚品嘅專門店，平時屋企人好忙，所以舖頭就成為家庭聚會嘅好地方，一有時間就落舖頭，見面傾吓偈好開心。」
自小充滿表演欲的Mandy，中五畢業後即報讀演藝學院的跳舞課程，由於經常參與表演，需要長時間留在校內練習，她說：「演藝學院帶畀我好多回憶，以前一星期七日都要返學校排舞，每朝九點開始拉筋，練到五點幾，有時大家食完晚飯唔捨得走，又返去課室練到半夜十二點，喺學校仲多過喺屋企，雖然辛苦但好值得。」
至愛廿蚊魚蛋粉
當時身為學生妹的Mandy，平時會選擇一些廉價「聚腳」地方，她說：「太攰嘅時候都會走堂，以前學校附近有間麥記，全店都係落地玻璃望海景，最開心係唔太多人，亦可能因為咁執咗。」晚飯時間，她則喜歡到橫街小巷搵食：「做學生梗係唔可以日日食大餐，廿幾蚊碗魚蛋粉就最抵食，我同成班同學每星期最少幫襯四晚。」另外，灣仔區亦有好多執平衫的地方，Mandy表示以前亦經常幫襯：「喺電車路一帶有好幾間Outlet舖，佢哋專賣外國牌子，英美等地乜都有，款式比較簡單，最平幾十蚊都有交易。」
女仔個個都貪靚，難怪Mandy亦鍾意到Outlet執「筍貨」。
Mandy曾就讀演藝學院，加上家人在附近開舖，故一星期去足灣仔七日。
Mandy平時很少坐電車，反而鍾意周圍行，可以發掘更多新事物。
這間涼茶舖開業十年，Mandy最喜歡喝店內的野葛菜湯，降火清熱。
Mandy讀書時零用錢不多，最鍾意幫襯茶餐廳食平價魚蛋粉。
Mandy最愛周圍逛，間中也會找到一些懷舊的玩具舖等。