伊健短打上陣慘遭酷刑玩殘
有份擔任兄弟團成員的伊健，提到接新娘時的變態事仍驚驚，他說：「姊妹團真係令人驚嚇，一入門就要我哋用Wasabi刷牙，又要笠絲襪吹蠟燭，又要飲洗腳水，我寧願畀錢！所以咪聲東擊西爆門入房囉！」他表示很久未有與朱永棠見面，覺得今次婚禮激似「古惑仔」派對。談到何時結婚？他說：「等熱潮過咗先！」他的女友蒙嘉慧昨晚亦有出席，同樣被追問婚期，但她避而不談︰「今日係陳小春結婚，唔好講我啲嘢。」她笑言未有準備人情，還指不會飲醉離開，因晚宴後要做司機送友人回家。
另一對緋聞男女陳豪與廖碧兒亦有出席，與小春相識多時的陳豪看到好友結婚十分開心，他說︰「我識咗小春好耐，好戥佢開心，佢之前提起佢太太都好開心，仲話『我終於搵到喇』。」他又稱準備利是作為賀禮，認為送錢最實際。
伊健踢爆姊妹團的留難招數，用Wasabi刷牙兼笠絲襪吹蠟燭！
蒙嘉慧對婚期避而不談。
廖碧兒與陳豪前後腳出席小春喜宴。