定30歲「婚」界線 鍾舒漫心急搵老公
鄧紫棋（G.E.M.）與鍾舒漫（Sherman）等昨日出席集體婚禮，G.E.M.自言性格多嘴，適合做姊妹多過新娘：「我希望將來婚禮會喺教堂舉行，因為我係基督徒但未受洗，希望將會同另一半一齊受洗。（緋聞男友林宥嘉信咗未？）我唔知，你問佢！（向佢傳教？）我有同身邊啲人傳，見到面咪傳吓囉！」
Sherman表示剛為好友擔任婚禮司儀，令她有結婚衝動：「媽咪想我喺30歲前結婚，結婚之前仲要拍兩、三年拖，所以我都幾心急，依家拍拖都會以結婚為前提。」兩人隨後出席新城頒獎禮的拉票活動，G.E.M.表示對獎項沒有抱太大期望，因公司未有施壓，希望放鬆心情參與盛會。
與洪杰出席集體婚禮的鍾舒漫，自爆被阿媽催婚。
G.E.M.希望將來能在教堂行婚禮。