周柏豪生日 超雲隔空賀壽
周柏豪昨日出席新城頒獎禮的拉票活動，主持人將他與何超雲的緋聞拿來開玩笑，笑他經常去澳門買蛋卷，問到前晚完成活動後二人是否有「下文」？他說：「完咗活動之後我同余文樂去慶祝生日，冇咩下文。（帶埋超雲去？）唔係咁方便，始終喺阿樂屋企搞！」他表示與超雲透過電話及SMS交往，但未試過去街睇戲，他說：「大家都係生日或者聖誕節聯絡同祝福對方。（咁情人節？）情人節我都會向好多人講情人節快樂嘅！」
此外，何超雲前日公開暗示與柏豪有發展空間，賭王更開綠燈讓愛女自由戀愛，令「超豪戀」即時升溫。難怪超雲再不避嫌，於微博向柏豪送生日祝福：「生日快樂，大個仔喇，祝事業更上一層樓！」不過，超雲昨日沒有與柏豪見面，反而做乖乖女陪賭王歎下午茶。
柏豪出席活動，與超雲的緋聞被擺上枱。