蔡一傑惋惜祝一路好走
與已故巨星梅艷芳分屬好友的羅君左突然離世，身為梅姐徒弟的草蜢及兩人的好友連炎輝非常慨嘆。正在新加坡舉行個唱的草蜢成員蔡一傑準備出場前接到噩耗，大感愕然，初時只懂以沉默回應：「點解會咁？（糖尿病引發後遺症？）咁有冇人陪住佢呀？我同佢喺梅姐在生時比較熟，之後少咗聯絡，都有留意佢近況，佢係生命鬥士，捱到依家都好犀利，祝佢一路好走，點解要臨開騷前講畀我知？我會同佢兩個（蔡一智、蘇志威）講，我覺得好可惜！」
至於連炎輝表示前日已到醫院探望對方，當時羅君左陷入昏迷狀況：「叫佢都冇反應，我都預咗，我同佢係二十幾年朋友、老朋友。（有冇幫你買保險？）有！我會幫手o架喇！」提到朋友一個一個離他而去，連炎輝難禁嗚咽。
草蜢因師傅阿梅的緣故，與羅君左相熟。資料圖片
連炎輝講摯友離世，不禁嗚咽起來。資料圖片