杏兒讚舊拍檔積極
胡杏兒昨晚落機即收到前輩羅君左逝世消息，大感愕然，她表示曾在港姐的綜藝節目中與對方合作，還記得當時他是扮演「羅漢」，但沒有合作拍劇，她說：「嗰陣我同佢傾嘅都係貓經，因為大家都好鍾意貓，我只係知佢一直都好努力咁積極面對人生，當然如果可以冇痛苦之下生存係最好，但佢冇咗隻腳都係一個大打擊，成個人生、生活唔同咗。（會唔會幫佢養埋啲貓仔？）我養唔到啦！我已經有8隻，如果有需要我幫佢搵人養。」提到羅君左離去時很安詳，她說：「如果佢安詳咁走都係好事。」而鍾嘉欣雖然未曾與羅君左合作，但聽到消息坦言很不開心：「相信佢依家已經去咗一個舒服嘅地方，希望佢嘅家人、朋友都唔好太難過。」
此外，昨晚「TVB Channel」在微博公布羅君左病逝消息後，圈中人紛紛留言表示惋惜，包括曾華倩、李詩韻、樂瞳及龔嘉欣等，其中梁思浩曾與羅君左主持《歡樂今宵》：「我TVB的同事！歡樂今宵，家庭中的一分子！君左一路好走，我們一班同事懷念你！」而陳偉霆早前曾在活動見過羅君左，大讚他關心後輩：「你曾帶給香港人無限歡樂，我們永遠記住你！安息。」
胡杏兒曾與羅君左合作，驚聞前輩逝世，大感愕然。資料圖片
鍾嘉欣希望羅君左的親友能節哀順變。資料圖片
梁思浩與羅君左在《歡樂今宵》中合作無間。資料圖片
