舊愛阿嬌大方送祝福
小方與Stephy默認戀情，Sweet到漏！曾分別與兩人傳過緋聞的鍾欣桐（阿嬌）及導演葉念琛，以及被指為Stephy「死敵」的傅穎（Theresa）亦送上祝福！昨晚身在澳門舉行Twins演唱會的阿嬌接受長途電話訪問時說：「祝福佢哋！如果係真嘅話，我會恭喜佢哋！（仲有冇同小方聯絡？）之前都有同小方一齊做電影《出水芙蓉》嘅宣傳，大家都有見，之後我忙返內地拍劇，就冇再聯絡喇！」
至於葉念琛起初表現避忌，後來亦大方笑說：「恭喜佢哋！（拍戲嗰陣你都知佢哋拍拖？）佢哋入戲啫！演得好好，我就專心拍戲！（再開戲畀佢哋？）都會，不過唔係因為戀情啦！（你同Stephy傳過緋聞喎？）唔好講呢啲喇！」隨即匆匆收線。而Theresa則說：「梗係戥佢哋開心啦！如果係真，我會祝福佢哋！（你心急拍拖嗎？）我唔心急！」
對於小方默認與鄧麗欣拍拖，阿嬌說：「恭喜佢哋！」 (資料圖片)
葉念琛（中）曾與Stephy傳緋聞，但仍送上祝福。 (資料圖片)
傅穎羨慕好友蜜運中，但自己不心急拍拖。(資料圖片)