方珈悠輕鬆逛街食魚蛋
剛推出性感電子寫真的方珈悠（Jaime），日前被發現獨自在尖沙咀遊街，收起性感的她身穿T恤短褲襯Leggings，先往便利店買飲品，然後走過對面馬路大啖大啖品嘗咖喱魚蛋，完全不顧儀態。醫完肚後，Jaime再到附近商場Shopping，先走入一間體育用品店，拿起一對白色波鞋左看右看，但很快又放回原位行出店舖，其後轉戰鑽飾店，店員拿出一枚鑽戒向她力Sell，但Jaime研究一輪後依然齋睇冇幫襯，在街上漫無目的閒逛近二十分鐘，才帶着一臉寂寞離開。
記者致電問她為何落寞遊街？Jaime驚訝地說：「哎吔！點解我唔知有記者影我嘅？嗰日我約咗個朋友去尖沙咀睇戲同食飯，但佢遲到，所以先一個人行商場！」記者笑她當街吃魚蛋不顧儀態，她反駁：「我瞓醒冇幾耐嘛！咪買串魚蛋食囉！」
方珈悠自爆篤魚蛋當早餐，吃得津津有味。
方珈悠拿了一對白色波鞋左看右看，但很快又放回原位。