Supper Moment成功轉型感幸運
新進樂隊Supper Moment名字有趣特別，問到隊名由來，主音兼結他手陳仕燊（Sunny）說：「我哋希望聽到我哋音樂嘅人學識珍惜身邊嘅人同事，尤其同家人一齊食晚餐嘅時刻，所以用Supper Moment做隊名！」原來樂隊早於06年夏天組成，四年後，終成為地面樂隊，正式簽約紅線音樂。Sunny表示樂隊很知足，能夠令更多人認識已很滿足：「我覺得我哋都算幸運，由地下變成地面樂隊以嚟，暫時未遇到好大嘅阻滯，仲有好多貴人幫忙，好感激幫過我哋嘅人，令我哋學得更多！」他們將於本月底推出新EP，同日更會舉行記者會及小型演唱會。鼓手陳鴻達還透露他們現正為明年的新專輯作歌，希望藉此吸納更多歌迷。
樂隊正努力作歌，備戰新專輯。