何思諺學泰拳防狼

「陽光妹」何思諺（Leanne）看似嬌小，原來她食過夜粥，拳拳到肉。早前與好姊妹林穎彤（Bella）擔任拳賽頒獎嘉賓，順道練拳之餘，更被大隻泰拳男一身肌肉冧到暈得一陣陣！

憑檸檬茶廣告上位的Leanne，形象清純，但一點也不好「蝦」，她熱愛泰拳，每月都會去拳館「隻揪隻」，認真唔講得笑。早前她被拳館邀請擔任泰拳比賽頒獎嘉實，與好姊妹Bella一起順道目及仔。現場因有不少大隻男，眼見兩女人在拳館左穿右插，多位大隻男已對她們行注目禮，更有「四眼肌男」主動要求合照，Leanne和Bella即時冧到暈，問可會對大隻男情有獨鍾？Leanne說：「OK啦！不過唔好太勁囉！太大隻我會驚，最緊要適中同有線條美！」Bella則說：「我好鍾意的肌肉若隱若現，似鋼條就最好。」

男仔頭適合打拳

Leanne表示學泰拳是想強身健體，不料一學便停不了，漸漸愛上這項運動：「其實有好多男友都話我係男仔頭，呢項運動就啱晒我，打完後出一身汗，真係減到肥。」她又認為學泰拳的另一目的是「防狼」：「Touchwood，我未試過學以致用，不過學嚟傍身都冇壞，起碼真係出事都可以自保。」