朱璇欠自信呻靚女難做
08年華裔小姐冠軍朱璇出名是圈中靚女，不過她卻大呻靚女難做，更指自信心不足，經常嫌自己不夠靚。此外，為了拍古裝劇，她正惡補廣東話。
朱璇是08年華姐冠軍，雖然加入無綫後拍劇的機會不多，不過卻幸運地參與電影演出，吸取經驗，繼《淚王子》後，朱璇亦參演電影《抱抱俏佳人》，飾演廖碧兒、徐子珊及毛舜筠的好姊妹，她說：「我哋就好似《色慾都巿》咁，有好多靚衫着（怕唔怕一直只做花瓶角色？）我都想呀！不過做靚女好難，要有樣貌、有智慧，我嫌自己唔夠靚，唔夠自信，不過靚樣都唔可以Keep得好耐，寧願人哋讚我嘅演技多啲！」
揀男友重溝通
朱璇坦言廣東話說得不好，故工作機會可能較少，早前她拍攝《隔離七日情》時，飾演內地公安只說普通話對白。其後，她有機會首度演出古裝劇，問到會否擔心？她說：「擔心呀！依家我都有搵老師幫我，有壓力自然會學得快啲。」問她為何不找個男朋友練好廣東話，她說：「個個都同我咁講，我都想有人追，不過可能自己少去應酬，真係冇男仔追我，（係咪要求太高？）唔係，我只係要求溝通到、互相了解就得，最好身高唔好矮過我。」
朱璇惡補廣東話，準備拍古裝劇。
朱璇笑言做「靚女」辛苦，因要內外兼備。