關楚耀谷底重生再打拚

關楚耀（Kelvin）去年因日本藏毒事件，其後又與台灣美眉拍親密照，令形象受損，Kelvin日前接受《娛樂on Show》專訪，表示會發憤圖強，為事業努力打拚。

熱爆網站ontv的娛樂消息豐富詳盡，獨家新聞亦具爆炸性，加上人氣偶像及名人的專訪，所以點擊率一直高企。關楚耀去年在日本涉藏毒，其後又與台灣美眉Mika拍親密照而傳緋聞，令其人氣急挫。熱衷玩微博的他表示，不會抗拒與「辣妹」拍合照，他接受《娛樂on Show》主持俞詠文訪問時說：「唱片公司同事同有心嘅朋友都勸我唔好立亂同人影相，但喺我角度諗，人哋都係尊重我先叫我影，咁我都尊重番對方，唔會刻意話唔影嘅！（抗拒？）咁又唔抗拒影，其實係多男仔同我影相，可能佢哋鍾意我嘅歌曲，感受到我對音樂嘅熱誠。」

學會唔執着

Kelvin表示去年經歷了人生最低潮，他說：「可以分幾個階段去講，去年生日可以話係『貼地期』；第二個階段就係『Move On期』，做人要有阿Q精神，以前成日問點解自己會冇獎？但依家好多嘢唔再計較同執着。第三階段係要睇得開，我雖然27歲，話老唔老、話後生唔後生，但過多幾年已經30歲，唔會等30歲先衝，依家要為事業拚搏。」

Kelvin表示去年出事返港後，家人、唱片公司、朋友及歌迷，均給予他莫大支持和鼓勵，尤其音樂人父親關維麟更親筆寫信鼓勵、勸勉他要珍惜機會，他說：「睇完封信真係喊爆咗，冇諗過會收到爹哋嘅信。」想知道Kelvin如何發憤重生？就萬勿錯過《娛樂on Show》的專訪！