祖藍代李亞男領獎被催婚

王祖藍與李亞男共譜「藍男戀」，昨日祖藍更於微博風騷晒命，指其「光棍委員會」主席一職任期屆滿！身為祖藍好友的徐子珊，也戲言祖藍嫌她不夠高才看不上她。

公開名草有主的祖藍，昨在微博正式宣布：「曾經作為光棍委員會主席的我任期已經屆滿，希望下屆主席可以完成我未完成的艱辛任務，盡快解散呢個會，請問有誰願意當主席？」羅敏莊和黃日華即時送上祝福。他以反串造型出席無綫台慶記者會時，更代表女友李亞男上台領取利是，阮兆祥則大叫「結婚」戲弄一番。

徐子珊呷醋

另外，徐子珊與汪詩詩昨日出席鞋履品牌時裝騷時，被問及「藍男戀」時，她坦言對消息感到震驚：「我同祖藍合作過兩套戲，佢都睇唔上我，可能係因為我唔夠高同埋我太男仔頭啦！」被問及會否考慮與比自己矮的男士拍拖時，她說：「雖然從來未鍾意過比我矮嘅男仔，不過都唔排除呢個可能性嘅，不過男朋友最緊要都係錫我同埋我屋企人啦！」同場的歌手鄧紫棋（G.E.M.）透露，有意於三、四年後置業。

何傲兒讚真心重要

對於王祖藍與李亞男公開戀情，好姊妹馬賽說：「之前已經知祖藍同李亞男拍拖，依家公開咗都戥佢哋開心。（揀男友注重高度？）我得五呎三吋半，呢個問題唔使擔心，有99%嘅男仔都高過我，祖藍都高我半吋啦！」

其他圈中藝人亦戥「藍男戀」高興，何傲兒說：「亞男心地好好，個個都鍾意佢。（注重外表？）係人都鍾意靚嘢，但真心重要過軀殼。廖碧兒及衞蘭亦連聲恭喜，廖碧兒大讚他們Sweet，衞蘭則說：「大家都係基督徒，當然替佢哋開心，係神為佢哋安排適合嘅對象。（女高過男好多？）相愛就唔會介意，好彩我男友高過我。」