廖碧兒及黎耀祥昨日出席環保車活動，祥仔透露計劃明年生日買新車，並對廖碧兒說：「你生日就叫阿Mo（陳豪）送！」當記者笑說祥仔可趁再奪視帝買車慶祝，他說：「我驚陳豪會贏！佢贏咗你（廖碧兒）送畀我！」廖碧兒扮傻反問：「我唔明喎！」祥仔再「咬實唔放」：「你唔明當中嘅關係呀？」問到視帝心水時，廖碧兒即搭着曾飾演其兄的祥仔：「梗係支持阿哥！」
