母子檔收天價栢芝帶Lucas探險
李嘉欣昨日親證佗B仔，而圈中另一位媽媽張栢芝亦經常與大仔Lucas晒親子樂，至於母子檔頭炮作一直是不少導演、廣告商斟洽的目標，昨日有傳母子檔頭炮是由王晶及姜國民執導的冒險喜劇《無價之寶》，該片的投資方亦承認此事，並指「天價」簽約並不算貴！據知，栢芝與Lucas在戲中飾演母子，在小島上遇上不少怪事！記者就此事致電導演王晶，他承認簽了栢芝，但Lucas則屬客串：「栢芝收天價，Lucas就係無價之寶，只客串一場！係兩母子，呢套戲係小朋友冒險戲，有好多童星，仲傾緊小小彬同林妙可。」而栢芝經理人Emily在微博表示《無》片只簽了栢芝，沒有Lucas。
另外，近日在上海拍戲的栢芝，不忘帶Lucas到互動體驗城玩樂，Lucas充當消防員、醫生及考古學家，當他扮消防員時，面對「火場」即甚為怯場。