着高踭鞋易攰自爆舒服冇嘔
李嘉欣表示自懷胎後體重上升十多磅，不過手腳依然纖瘦，又「晒命」表示佗仔非常舒服，連一次也沒有嘔，問老公有否禁止她穿高踭鞋，她說：「嗰啲普通嘢好Easy着，我着幼踭都仲得o架！不過我以為仲得，但之前着咗兩三個鐘都好攰，已經唔係昔日體重。（上圍升Cup？）少少啦！不過冇度，呢個Point唔重要。（內衣買過晒？）有啲特別For懷孕人士着，不過啲褲一樣Size。（有冇同老公上育嬰班？）冇，佢路人甲咁嘅！佢唔會識得換片o架喇！不過我兩個都冇上。（工人湊？）自己湊，工人幫手。（唔怕搞唔掂咩？）我有實驗品，就係家姐個BB，依家BB十幾磅，屋企人唔畀我抱，因為佢對腳好有力，驚會踢親我。（有冇進補？）進補會令BB好燥，只要食番健康正常嘢足夠鈣質就OK。」
拿着香檳的李嘉欣心情興奮，全程笑容滿面。