Kary自信紅館騷賣得
吳雨霏（Kary）出席時裝店活動時，對於有關她明年初紅館開騷，比金牌大風一姐鄧麗欣還早的報道，她說：「佢唔會唔開心，或者公司有同佢計劃呢！（請佢做嘉賓？）未知。」她透露籌備紅館騷已有一段時間，只是未是時候公布：「我忍咗好耐！終於明年開騷，得一場都開心。（公司為續約先同你開？）我明年六月先約滿，因為工作忙，未深入傾（合約）。希望公司畀多啲資源我。（加人工？）最好有啦！（係咪Cut側田一晚騷畀個檔期你？）唔清楚，我出道就嚟九年，好多人睇住我大，知我喺紅館開騷都戥我開心！」
對於有行內人指她不夠歌兼不夠叫座力，她即問對方是誰，自信有一定的Fans：「今次開三面台，冇信心就唔會幫我開。」
吳雨霏等足九年，終於一圓歌手夢——紅館開個唱。