鍾欣桐微爆阿Sa離婚有內情

蔡卓妍（阿Sa）與陳偉霆（William）公開戀情後，卻受「婚書」所困被指仍為人妻，鍾欣桐（阿嬌）難忍好姊妹受辱，大爆離婚另有內情，指阿Sa做法已仁至義盡！

阿Sa與前夫尚未正式辦妥離婚手續，有報道將離婚責任推在她身上，由於阿Sa前夫亦爆出新戀情，故有微博友力斥報道對阿Sa不公平。阿Sa經理人霍汶希（Mani）平和的表示公道自在人心，阿嬌則不禁洩露好姊妹離婚另有內情：「你不說出離婚原因，對他已經算人（仁）至義盡了，錯不在你。」博友即追問真相，阿嬌只好火速將留言刪除，以免愈描愈黑。

爆新戀情唔犯法

昨日阿嬌到電台宣傳新歌《放低過去》，她指當中部分歌詞觸動過去不快事。被追問於微博的留言時，阿嬌坦言是為阿Sa不值：「戥佢唔抵，清者自清，大家以雪亮眼睛去睇呢啲問題，人哋講乜唔可以盡信。（阿Sa叫你刪除留言？）唔係，佢都有打嚟，但已經刪除咗喇！怕敏感。」對於阿Sa被指仍未離婚卻高調戀上William，阿嬌說：「人哋（阿Sa前夫）都有女朋友啦！（佢唔認喎？）我唔知。（阿Sa仲係已婚身份？）問律師啦！都開晒記者會，同埋係佢哋兩個人嘅問題，阿Sa又唔係同William結婚，唔犯法o架！唔回應喇！愈講愈衰，一陣又畀人寫，唔好意思，我比較直，冇諗過要傷害人！」

微博留言惹是非

此外，鄭希怡（Yumiko）的緋聞男友化妝師Andy早前於微博表示，與一名職員停止合作，最後卻變成阿嬌與何韻詩前助手「25」罵戰，阿嬌說：「冇話撐邊個（指Andy或職員），唔想搞大件事，點知畀人寸，關Yumi咩事？（Andy係佢緋聞男友？）緋聞啫！冇提過阿詩同Yumi，但有人問我係咪同阿詩唔啱。」於微博頻惹是非，阿嬌坦言考慮「停博」，但仍在微博留言：「好麻煩！我想微博這東西真不適合我。」