o靚模盧頌之Annie G.齊收富豪飯局電話
娛樂圈經常傳有富豪飯局，o靚模盧頌之（DaDa Lo）日前在微博爆料，指有富豪約她出Trip！記者致電求證，她說：「尋晚接到個冇來電顯示嘅Call，個女仔問我有冇興趣去北京，我初頭仲以為佢係旅遊記者，再問之下佢先話係有個富豪想同我去！其實之前都收過類似嘅電話，有個自稱係之前做過Model嘅女仔問我有冇興趣去富豪飯局，佢仲直接問我收開幾錢添！」她表示收到「富豪問價」時，未有興趣追問是誰，事後還在微博留言：「我現在活得很好，三餐溫飽，有家人朋友愛人，請幫助真正有需要的人，多做善事吧富豪。」
「當接Job喎！」
另一邊廂，DaDa的好姊妹Annie G.亦留言自爆，1星期內曾接了3個「富豪飯局」電話：「有個中間人打嚟問我，話有個富豪想同我食飯，多多錢都肯畀，而且叫我約埋DaDa Lo，我冇問係邊個富豪！雖然我係咁話唔使，不過佢堅持叫我諗吓，仲話當接Job喎！」
盧頌之向來走清新路線，是不少宅男的夢中情人。 (資料圖片)
Annie經常瞓身上陣，最近即被人問價。 (資料圖片)
裴殷、盧頌之、Annie及Hailey早前於鬧市宣傳。(資料圖片)