梁漢文發表生「兔」宣言
昨日39歲生日的梁漢文（Edmond），於尖沙咀舉行記者會，宣布與金牌大風續約兩年。除有兩名女模獻吻外，他更獲CEO陳輝虹送上價值逾20萬元的金色勞力士Daytona，歌迷則送上蛋糕及紅雞蛋，有人更催生兔仔，逗得Edmond喜上眉梢：「睇吓個天賜唔賜呢份禮物畀我！之前未定簽邊間，依家就可以放心去造（人）！」現場更首播新歌《中鋒》MV，陳奕迅、曾志偉及張衞健等圈中人客串演出，足見他人緣甚佳！
對於傳以千萬續約，Edmond不置可否：「唔好講錢啦！總之樓我會買，生命中兩個我最愛女人阿媽同老婆，我會每人送6位數畀佢哋，禮物任揀！（榮升一哥？）一哥唔係自己講，幫公司賺到錢就係一哥！」他透露已入紙申請明年紅館檔期，再開個人演唱會。另外，張衞健昨日在微博致賀：「60歲依然効力金牌大風成為金牌老油條，簡稱金油條！」
梁漢文獲美女送上香吻，喜上加喜！
歌迷送禮賀牛一，令Edmond十分驚喜。
梁漢文正式續約金牌大風，獲贈金勞助聲威。