Ricky全靠孖仔勇敢出櫃

拉丁男歌手Ricky Martin前日亮相奧普拉清談節目，宣傳自傳新書《Me》，這是他自三月「出櫃」以來，首度在節目中真情剖白內心世界。

現年38歲、已是兩名孖仔之父的Ricky表示，兩位囝囝Matteo和Valentino是驅使他「出櫃」的原因：「當我拖住佢哋隻手時，我就諗：『搞咩呀？我係咪要教佢哋點樣去講大話？我係時候將真相話畀全世界嘅人知。』我兩個仔畀到我『出櫃』嘅動力！而我亦希望佢哋為我而驕傲。」他更自爆公開同志身份後，曾感觸落淚！

至於Ricky首次談論找代母生仔，坦言當時有感而發，認為相比子女，名成利就已顯得不再重要，故決定找代母生仔。他透露代母是一名想嘗試懷孕的已婚女人，大家都希望將事件保密。主持奧普拉問到兒子長大後，如何交代他們的身世？Ricky深信兒子長大後會好奇追問，而他會向兒子表示是神的安排。Ricky亦坦承現正拍拖，發展得很開心。

此外，Ricky亦准許奧普拉節目的攝製隊，到訪其邁阿密寓所拍攝他與孖仔一同游水和捉棋的溫馨場面。節目後，前日他到紐約舉行簽書會宣傳新書《Me》，並向殘障女Fans送吻。

料入圍具代表性同志

另一邊廂，最近同志雜誌《Out》票選年度一百位最具代表性的同性戀人士，入圍名單將於本月11日公布，而雜誌公布部分名單，包括《歡樂合唱團》的同志男星Chris Colfer、《醫人當自強》男星T.R. Knight及美國組合Scissor Sisters等，預料Ricky最終亦會入圍。