王梓軒食肉獸最忌封喉
樂壇新人王梓軒既愛音樂亦愛美食，疲累時最愛吃「賣飛佛」犒賞自己！愛吃肉的他大啖歐洲菜，對生牛肉頭盤尤其愛不釋手！
唱作人王梓軒（Jonathan）對音樂有要求，對食物亦有一份執着，他認為聽好音樂跟飽嘗美食一樣，都是一種享受：「食嘢同聽音樂一樣，有調劑情緒嘅功效，當我好攰嘅時候，就會食自己最鍾意嘅嘢食，真係可以放鬆心情，食完會有種滿足感湧上嚟！」Jonathan注重健康飲食，且要保護聲線，所以戒食煎炸、辛辣食物，太甜太鹹亦不合胃口：「錄音、表演前唔會掂芝士同奶，絕對會封喉。」
勁擦焗鱸魚
Jonathan愛吃肉，對牛羊情有獨鍾，這次他品嘗歐洲及地中海菜式，頭盤薄切生牛肉正合口味，他說：「個汁酸酸哋，好開胃！」主菜焗鱸魚柳亦博得其歡心：「魚柳焗得脆脆哋，加埋Sour Cream好吊味，唔會太Heavy，作為主菜感覺好爽！」雖然Jonathan不喜歡味道太濃的食物，但間中亦會來一客甜品獎勵自己，外脆內軟的雪糕麵包布甸令他食指大動！
王梓軒認為美食有調劑心情的作用。
主菜焗鱸魚柳，令Jonathan讚不絕口。
薄切生牛肉正合Jonathan口味。
Jonathan偶然亦會食甜品獎勵自己。