Miki否認被照顧 委屈落淚
楊愛瑾（Miki）昨日谷胸偕周柏豪出席手錶活動，被問到獲永安太子爺郭永淳照顧及明年拉埋天窗的傳聞時，Miki委屈得淚如雨下，並說：「一直都係使自己錢！」
楊愛瑾（Miki）、周柏豪、朱紫嬈、王梓軒、可嵐及新人林司敏等出席活動，穿上JCAC Tube Dress的Miki谷胸露三吋「事業線」，柏豪亦笑言不敢正視，又稱估不到Miki是禾稈冚珍珠。Miki則表示已經大個女可作性感打扮：「呢條裙係柏豪揀畀我。（揀三點式都着？）女仔有啲嘢要Say No。」問到是否加了墊？Miki尷尬地說：「唔好問咁詳細啦！」
緋聞影響收入
對於有傳她明年二月下嫁郭永淳，強忍淚水的Miki即作出否認，然後更淚流滿面地說：「近日報道令我好唔開心，如果係事實我唔怕畀人寫，我一直都係使自己錢，之前好辛苦捱到依家。」問到現時有否拍拖？她說：「拍拖唔影響工作就得，我一直好努力工作，失實嘅報道對我好大影響，失去好多工作。」
楊愛瑾谷胸大騷事業線。
楊愛瑾覺得委屈，當場落淚。
楊愛瑾衣着性感，柏豪笑言不敢凝望。