雯女籲視后「一開二」唔使爭
無綫台慶劇《巾幗梟雄之義海豪情》演員黎耀祥、鄧萃雯及謝雪心，昨日到跑馬地為酸枝傢俬店剪綵，對於祥仔表示「視后」屬雯女與佘詩曼之爭，由橫店拍劇返港的雯女說：「多謝大家厚愛，咁我即係攞咗二分之一個獎啦！咁我做定半件衫出席先，不如今年增設兩個獎咪唔使爭囉！（內地拍劇片酬高達四百萬？）一時話我冇工開，一時又話四百萬，總之唔好害到我畀稅局調查啦！」
至於祥仔透露因上半年忙於拍劇，導致收入比去年少：「一直想買獨立屋，睇過最少都要二千萬，仲未儲夠！如果遲啲賣九龍塘間屋就好，依家升到過千萬，當時平手八百萬放咗！」而心姐對新劇收視普通未感失望，力撐收視會穩步上揚。
祥仔與雯女為傢俬店剪綵，密食當三番。