廖碧兒揀視帝三心兩意
張舒雅與廖碧兒（Bernice）昨日以嘉賓身份出席生活商品店開幕活動，Bernice即場與男模扮演情侶，跟他扮擁抱和錫面。事後她說：「我哋之前冇排過o架！係頭先聽個司儀講我就即場做，覺得好新鮮。（如果司儀叫你哋錫錫呢？）個男模真係問我要唔要再Kiss，佢想嚟真，我聽完淨係識得笑，因為唔可以擰頭。（如果佢真係錫落嚟呢？）擰歪面囉！唔知，我未遇過。」
Bernice緋聞男友陳豪是今年視帝大熱，她一方面表示會支持，一方面又力撐黎耀祥及林峯：「有機會o架！但阿哥（黎耀祥）套劇真係好睇，佢嘅Noise會大啲。（咁你咪兩難？）三個呀！林峯都係我阿哥，三個我都支持。（唔驚陳豪呷醋？）我個個都撐，都支持，我只係觀眾之一。」而今年她沒有獲提名，故倍感輕鬆沒有壓力。
港姐張舒雅轉型做模特兒，努力搵錢。
廖碧兒與男模扮演情侶，當眾錫面。
