童愛玲驚仔辛苦追個女
李樂詩、童愛玲及楊受成姊姊邱楊寶春女兒邱子茵，一同偕子女出席《兒童慈善心嘉年華》活動，童愛玲與7歲兒子同行，笑言老公怕醜而拒絕出席，並透露自9月初家中傭人休假後，自己便忙得不可開交：「朝早五點九就要起身煮早餐畀個仔食，因為佢六點半就要返學，冇工人係辛苦啲！但個仔就可以獨立啲！（以後唔請工人？）咁又唔得，呢兩個月冇工人，冇晒私人時間，又唔出得埠。」雖然湊仔辛苦，但她仍想生個女兒，但不會選擇人工受孕：「我老公唔鍾意，佢希望自然啲！其實我哋好努力，但暫時未有好消息；我怕我老咗個仔會好辛苦，所以咪生多個囉！」
童愛玲擔心囝囝日後辛苦，有意追多個女。
邱子茵一家四口出席活動。