敖嘉年宣傳遲到 仔：主角到未？

「排骨仔」敖嘉年遇襲受傷後人氣熱上加熱，出席新劇宣傳活動時風頭更蓋過主角黎耀祥，祥仔更笑問：「主角到未？」對於事件的另一主角冼灝英日前直指「一門無二師」及對他失望，被問到會否就此致歉？嘉年竟以「吓」一聲回答。

敖嘉年日前疑因「拜門學武」的恩怨而於新劇煞科宴中遇襲受傷，事件亦令嘉年更受人注目，昨日出席新劇《巾幗梟雄之義海豪情》於奧海城舉行的宣傳活動時，亦因要清洗傷口遲到而變相「壓軸」出場，風頭蓋過黎耀祥及鄧萃雯兩位主角，到一眾演員玩遊戲時，嘉年亦以受傷為由而婉拒。

談到傷勢，嘉年表示已有好轉，亦有請中醫師為他推拿：「醫師話我傷到三叉神經線，所以左邊面有啲痹。（帶傷到嚟？）齊心嘛，點都要支持吓。（事發後有冇撞過冼灝英？）以前會喺公司撞到佢但都冇打招呼，隔太遠。」至於冼灝英接受訪問時表示「一門無二師」及坦言對嘉年失望，嘉年說：「呢啲報道唔回應，我真係冇嬲亦都冇諗追究，只係想快啲好番。（精神困擾？）都係工作上嘅重新編排。」問到會否希望冼灝英道歉？嘉年表示沒有所謂，但至於會否就對方「一日為師，終身為師」的言論而向對方致歉？嘉年大感愕然，並說：「吓?（同對方傾吓？）兩年前有聯絡過佢，但冇回覆。」

黃浩然力撐師傅

至於曾拜冼灝英為師的黃浩然坦言不知嘉年與師傅的恩怨，但力撐師傅，他說：「我都算係有拜門，其實拜唔拜門係其次，最緊要係尊重，佢係我好友，好師傅。」他又表示跟嘉年同場宣傳不會尷尬。黎耀祥甫見記者則笑問男主角（指敖嘉年）到了沒有，又自嘲是第二男主角，表示不介意被搶鏡。鄧萃雯則表示剛返港才知嘉年出事，但覺得夜店中醉酒出事見怪不怪。

另外，嘉年的同事陳敏之及楊秀惠出席活動時亦對其受傷表關注，陳敏之又指冼灝英為人好，但醉酒打人就是不對。