阿嬌搭渡海輪畀鬼圍
鍾欣桐（阿嬌）忙於在內地拍劇，日前抽空返港與歌迷聚會，並於渡海小輪上舉辦萬聖節派對，歌迷分別以恐怖女警、紙紮公仔及狼人等嘩鬼造型應節，阿嬌雖然沒有扮鬼，但亦手持刀、槍道具玩埋一份，她笑說：「第一次見到歌迷而有驚嘅感覺，佢哋好花心思打扮，最恐怖係骷髏人同貓女，我會送禮物獎勵佢哋！」
近日一直忙工作周圍飛的阿嬌，感激歌迷體諒未有投訴：「今次好多歌迷都話好開心見到我，其實我同佢哋一樣咁開心，難得可以休息吓，我都好耐冇坐過渡海小輪，畀機會我浪漫吓。」她透露本月13日將於澳門舉行Twins演唱會，現已投入綵排，望歌迷多多支持。
阿嬌揸槍扮型，與歌迷的嘩鬼造型有得揮。